Anna Ní Dhonnchú
Fúm
Is mise Anna Ní Dhonnchú agus is lámhfhíodóir traidisiúnta mé. Tá mé tiomanta do chaomhnú na sean cheirde seo.
Chaith mé seal faoi stiúr an sárfhíodóra, John Heena i nDún na nGall, áit ar thug mé liom scileanna, saoithiúlacht, agus saoirseacht na ceirde.
Fuair mé mo chéad sheol sa mbliain 2022 agus tá mé ag fí liom ó shin i mo stiúideó i nGaeltacht Ráth Chairn, i gcroílár Ghleann na Bóinne, Contae na Mí.
Spreagann ealaín mheigiliteach i dtuamaí Ghleann na Bóinne na pátrúin atá sa mbréidín agam.
Is olann caorach amháin atá sa mbréidín seo. Tá an olann 100% nádúrtha agus in-athnuaite. Is píosaí iad seo a mhairfeas ó ghlúin go glúin.
Is le lámh agus le cos amháin a oibríonn ár seolta gan aon ghá le fuinneamh.
Is féidir do phíosa féin de bhréidín a cheannacht sa stiúideo i Ráth Chairn nó ag margaí éagsúla i rith na bliana.